TEXT 3

મહામુત્સદ્દી દુર્યોધન બુદ્ધિશાળી મહાન બ્રાહ્મણ સેનાપતિ દ્રોણાચાર્યના દોષો તરફ અંગુલીનિર્દેશ કરવા માગતો હતો. અર્જુનની પત્ની દ્રૌપદીના પિતા રાજા દ્રુપદની સાથે દ્રોણાચાર્યને રાજકીય બાબતમાં ઝગડો થયો હતો. આ વિવાદના પરિણામે, દ્રુપદે એક મહાન યજ્ઞ કરેલો, જેનાથી તેને એક એવા પુત્રને પ્રાપ્ત કરવાનું વરદાન મળ્યું હતું કે જે દ્રોણાચાર્યનો વધ કરી શકે. દ્રોણાચાર્ય આ વિષે સારી પેઠે જાણાતા હતા, તો પણ જયારે દ્રુપદના પુત્ર ધૃષ્ટદ્યુમ્ન પાંડવોના પક્ષે હતો અને દ્રોણાચાર્ય પાસેથી તે જ યુદ્ધકળા શીખ્યો હતો તેના જ આધારે તેણે આ વ્યૂહરચના કરી હતી. દુર્યોધને દ્રોણાચાર્યની આ ભૂલ દર્શાવી હતી કે જેથી તેઓ યુદ્ધમાં સાવધ રહે અને કાંઇ કચાશ રાખે નહીં. આના દ્રારા તે એમ પણ જણાવવા માગતો હતો કે દ્રોણાચાર્ય પોતાના પ્રિય શિષ્યો, પાંડવો પ્રતિ યુદ્ધમાં એવીજ રીતે ઉદાર રહે નહીં. ખાસ કરીને અર્જુન તેમનો સર્વાધિક પ્રિય તથા તેજસ્વી શિષ્ય હતો. દુર્યોધને એવી ચેતવણી પણ આપેલી કે યુદ્ધમાં આવી ઉદારતા પરાજય નોતરી શકે.