TEXT 21

तात्पर्य: बारा आदित्य आहेत व त्यामध्ये श्रीकृष्ण प्रमुख आहेत. आकाशात चमकणा-या तेजस्वी तान्यांमध्ये सूर्य प्रमुख आहे. ब्रह्मसंहितेत सूर्याचे वर्णन भगवंतांचा तेजस्वी नेत्र असे करण्यात आले आहे. आकाशात पत्रास विविध प्रकारचे वायू प्रवाहित होत असतात आणि त्यांची अधिष्ठात्री देवता मरीची, श्रीकृष्णांचा प्रतिनिधी आहे.

          नक्षत्रांमध्ये रात्रीच्या वेळी चंद्र हा प्रमुख असतो आणि म्हणून चंद्र हा श्रीकृष्णांचे रूप आहे. या श्लोकावरून असे प्रतीत होते की, चंद्र हा अनेक नक्षत्रांपैकी एक आहे, म्हणून आकाशामध्ये लुकलुकणारी नक्षत्रेही सूर्यप्रकाशच परावर्तित करतात. ब्रह्मांडामध्ये अनेक सूर्य असल्याच्या सिद्धांताला वेद स्वीकार करीत नाहीत. सूर्य हा एकच आहे आणि ज्याप्रमाणे सूर्यप्रकाशामुळे चंद्र प्रकाशमान होतो त्याचप्रमाणे सूर्यप्रकाशामुळेच नक्षत्रेही चमकतात. या ठिकाणी भगवद्गीतेत सांगितल्याप्रमाणे चंद्र हा नक्षत्रांपैकी एक असल्यामुळे चमकणारे तारे हे सूर्य नसून चंद्राप्रमाणेच नक्षत्रे आहेत.